Dir schrubit, hämmeret oder muurit. Verschöneret, beratet, pflegit u organisierit - i klicke, tippe u programmiere. Und am Ändi steit öppis Solids: E Websyte, wo funktioniert. Punkt.
DIR SIT E PROFI
I ÖIEM TAGESGSCHÄFT
Dir füehrit es mittlers bis chlyners Ungernähme, villicht sogar e Ein-Maa-Betrieb. Oder e Ein-Frou-Betrieb. Dir sit e Profi i Öiem Tagesgschäft. Zwüsche Termindruck und Offerte schrybe blybt viu uf dr Strecki. Viellicht ou Öie Web-Ufritt?
GRÜND FÜR E NÖII WEBSYTE
CHÖI GANZ UNGERSCHIEDLICH SY
Im Louf vor Zyt wird eim bewusst, dass die aktuelli Websyte irgendwie nümme passt. S isch immer wie komplizierter mit Inhaute uechelade u dr Webdesigner, wo sit Jahre scho hinger de Bärge bi de siebe Zwärge wohnt u nümm richtig erreichbar isch, het aui Passwörter. Und d Inhaute sy scho lang nümme so richtig aktuell. D Syte passt nümme richtig zum Ungernäme u de aabotne Leischtige und Produkt. Uf de Smartphones u Tablets zeigts die Websyte nid richtig a u vom Design söttme wieder mau uf e nöischt Stang cho. Aber wenn?!
webSCHMITTE
Ig realisiere Internet-Uftritte und kümmere mi um aues, was derzue ghört. Die beschte Chance, öie Wüssensdurscht ds stille und kompetänt berate z'wärde, heit dir während emene persönleche Gspräch mit mir - natürlech choschtelos und unverbindlech. Näht eifach Kontakt uf!
ES PAAR ARBEITE
Carmela Fengler
Achtsam u würkigvou - e Gsundheitsmassage mit eigeter Handschrift.
Rössli Utzenstorf
Ds Rössli isch e Ort, wo me gärn verwylet! Prost u e Guete.
Bill Weyermann Partner AG
Professionells u kompetänts Bouingenieurbüro für e gsamt Beriich vom Ingenieurwäse.
Kranliker
D Hydoulik im Bluet, ds Handwärch i dr Seele.
Si si Spezialischte für LKW-Krän, Nutzfahrzüüg u Spezialboute.
St. Niklaus
Näbe medizinischer Versorgig söue ou zwüschemönschlichi Beziehige u Seelsorg zum Wohlbefinde byträge.
